நோய் எதிர்ப்பு சக்தி கொண்ட மிளகுப் பயிர்

விளைச்சலை நம்பி வாழ்க்கை நடத்துபவர்களுக்கு பெரிய நஷ்டம் வந்து மீண்டும் எழவேண்டுமானால், அதற்கு பொறுமையும் புத்திசாலித்தனமும் வேண்டும். கர்நாடக மாநிலத்தைச் சேர்ந்த திரு. ரவிஷங்கருக்கு இவை இரண்டுமே இருந்ததால், தோல்வியை வெற்றியாக மாற்றிக் கொண்டார். 10 ஆண்டுகளுக்கு முன் மிளகு பயிரிட்டதில் அவருக்குக் கடுமையான நஷ்டம் ஏற்பட்டது. மொத்த விளைச்சலையும் நோய் தாக்கியதின் காரணமாக இழந்த அவர், நோய் எதிர்ப்பு சக்தி கொண்ட மிளகுப் பயிரை உருவாக்கி இன்று வெற்றியடைந்திருக்கிறார்.

முதலில் பன்னியூர், கரிமுண்டா, வயநாடு போன்ற உள்ளூர் மிளகு வகைகளையே அவர் பயிரிட்டு வந்தார். பயிரை இழந்தபோது பூச்சிகளின் காரணமாக பயிர் அழிந்துவிட்டதாக முதலில் கருதினார். பின்னர்தான் மிளகுப் பயிரைப் பொதுவாகப் பீடிக்கும் ஒரு நோயின் கார ணமாக அது அழிந்துவிட்டதென்று புரிந்தது. இந்த நோயைத் தாக்குப் பிடிக்கக் கூடிய பயிர் வகையினைக் கண்டுபிடிக்க அவர் முதலில் செய்த முயற்சிகள் பலனளிக்கவில்லை. மிளகு போன்ற ஹிப்பாலி என்ற பயிரையும் பன்னியூர் வகையையும் சேர்த்து ஒரு புதிய கலப்பினப் பயிரை உருவாக்கினார். இப்படி உருவாக்கப்பட்ட கலப்பினப் பயிர்களைத் தோட்டத்தில் வளர்த்தபோது அவை அனைத்துமே நோயைத் தாக்குப் பிடித்து நன்கு வளர்ந்ததைக் கண் டார். இந்தக் கலப்பினப்பயிரில் விளையும் மிளகில் நோய்க் கிருமிகளை அழிக்கும் தன்மை அதிகமாக இருந்தது.

“பூ விட்டபிறகு எட்டு மாதங்கள் கழித்து பழுக்க ஆரம்பிக்கும். இரண்டு ஆண்டுகளில் நல்ல விளைச்சலைக் கொடுக்கும்... இரு பயிர்களை ஒட்டவைத்த பிறகு அவற்றின் ஆரோக் கியமான வளர்ச்சிக்கு நிழலில் வைத்துப் பராமரிக்க வேண்டும். எல்லாப் பயிர்களும் ஜூன் மாதத்தில் பூ விடத் தொடங்கும். ஓராண்டுக்கொரு முறை அறுவடை செய்து கொள்ளலாம்” என்கிறார் ரவிஷங்கர்.

சிமெண்ட்டிலான தேன் கூடுகள்

மிளகில் புதிய வகையைக் கண்டுபிடித்தது மட்டுமல்ல, தேனீ வளர்ப்பிலும் சிமெண்ட்டி லான தேன் கூடுகள் செய்து புதுமையைப் புகுத்தினார் ரவிஷங்கர். இந்தியாவில் தேன் கூடுகள் பொதுவாக மரத்தினால் செய்யப்படு கின்றன. பருவமழைக் காலங்களில் மரத்தினா லான கூடுகள் விரைவில் சேதமடைந்துவிடும். இந்தப் பிரச்சனையைச் சமாளிப்பதற்கும் மரங்கள் வெட்டுப்படாமல் பாதுகாக்கப்படுவ தற்கும் சிமெண்ட்டிலான தேன்கூடுகளை அவர் உருவாக்கினார். தேன்கூடுகளை குள விகள் தாக்கும் பிரச்சனை சிமெண்ட் கூடுக ளில் எழுவதில்லை. அத்தோடு சிமெண்ட் கூடுகள் வெய்யிலையும் மழையையும் தாக்குப் பிடிக்கக்கூடியவை. அவற்றின் எடை அதிக மாக இருப்பதால் எளிதில் அவை திருட்டுப் போவதில்லை. மேலும், மரக்கூடுகளைப் போலன்றி சிமெண்ட் கூடுகள் கரையான்கள், புழு பூச்சிகள் மற்றும் தீப்பிடித்தல் போன்ற ஆபத்துகளிலிருந்தும் பாதுகாப்பை அளிக் கின்றன. எல்லாவற்றுக்கும் மேலாக சிமெண்ட் கூடுகள் மரக்கூடுகளைவிட மலிவானவை. நீடித்து உழைப்பவை. தேனீக்கள் இவற்றில் எளிதாகக் குடிபுகுந்துவிடுகின்றன. ஒரு சிமெண்ட் பெட்டி சுமார் 250 ரூபாய்க்குக் கிடைக்கும்.

மேற்கொண்டு தகவல் வேண்டுவோர் திரு. ரவிஷங்கரை 99727 15411-ல் தொடர்பு கொள்ளலாம்.

ஆதாரம் : ‘தி இந்து’ ஏப்ரல் 15, 2010

Courtesy: Theekkathir

உழுவதற்கும் களை எடுப்பதற்கும் ஓர் எளிய கருவி

வேகமாகச் சுருங்கிவரும் விளைநிலங்கள், கடு மையான ஆட்பற்றாக்குறை, வீழ்ந்துவரும் வருமா னம் போன்ற காரணங்களால் விவசாயத்தைத் தொட ரத்தான் வேண்டுமா என்ற கேள்வி விவசாயிக ளிடையே எழுந்துள்ளது. “குறுநில விவசாயிகளுக்கு ஒரு ஜோடி உழவு மாடுகளைப் பராமரிப்பதே பெரும் சுமையாக மாறிவந்தபோது, டிராக்டரை வாங்குவ தற்கு வங்கிக்கடன் தாராளமாகக் கிடைத்ததால் அது அவர்களுக்கு ஒரு மாற்றாக முதலில் தோன் றியது. ஆனால் மாதாமாதம் கடனைத் திருப்பிக் கட் டுவது இயலாததாக மாறி, நிலத்தையே விற்கவேண் டிய நிலைக்கு பல விவசாயிகள் தள்ளப்பட்டனர்” என்கிறார் அகமதாபாதிலுள்ள தேசிய ஆராய்ச்சி நிறுவனத்தைச் சேர்ந்த டாக்டர் நிதின் மௌரியா.

கருவி உருவான விதம்

விவசாயிகளுக்குச் சொந்தமான நிலம் ஒரு ஏக் கரோ, 10 ஏக்கர்களோ உழுவதையும் களை எடுப்ப தையும் அவர்கள் தொடர்ந்து செய்தாக வேண்டும். ஆட்பற்றாக்குறையைச் சமாளிக்க மகாராஷ்ட்ர மாநில ஜல்கான் மாவட்டத்தைச் சேர்ந்த ஏழை விவசாயி கோபால் பிஸே உருவாக்கிய கிருஷிராஜா என்ற சைக்கிள் களை எடுப்புக் கருவிக்கு விவசாயி களிடையே நல்ல வரவேற்பு கிடைத்திருக்கிறது. உழவு மாடுகளை வாங்கக்கூட இயலாத நிலையில் இம்மாதிரி ஒரு கருவியைத் தயாரிக்க வேண்டிய நிர்ப்பந்தத்திற்கு ஆளானார் பிஸே.

“எங்களுக்குச் சொந்தமான 0.8 ஹெக்டேர் நிலம் வளமான பூமிதான். கிணறு தோண்டுவதற்கு ஆட்களை அமர்த்த வசதி இல்லாததால் நானும் என் மனைவியுமே சிரமப்பட்டு ஒரு கிணற்றைத் தோண்டி னோம். ஒரு நாள் ஒரு சைக்கிளில் சில மாவு மூட் டைகளை ஏற்றிச் சென்ற ஒரு வியாபாரியைப் பார்த்த தும் உழவுக்குப் பயன்படும் வகையில் சைக்கிளை மாற்றியமைக்கும் யோசனை எனக்கு வந்தது... என்னை மாதிரியோர் ஏழை விவசாயிக்கு ஒரு ஜோடி உழவு மாடுகளைவிட ஒரு சைக்கிளைப் பராமரிப்பது கட்டுப்படியாகக் கூடியது. உழவு மாடுகளுக்குப் பதி லாக அவை செய்யக் கூடிய வேலைகளைச் செய்யும் வகையில் ஒரு சைக்கிளின் முன் சக்கரம், அச்சு, ஹாண்டில்பார் ஆகியவற்றை மாற்றியமைத்தேன்” என்கிறார் கோபால் பிஸே.

விடாமுயற்சிக்குப் பலன்

களையெடுப்பதற்கும் உழுவதற்கும் தனித்தனி யான உபகருவிகளை கிருஷி ராஜாவுடன் இணைத்துக் கொள்ள முடியும். “சைக்கிளை நான் இம்மாதிரி மாற்றி யமைப்பதைப் பார்த்து மற்ற விவசாயிகள் முதலில் கேலி யாகச் சிரித்தனர். ஆனால் நான் விடா முயற்சியுடன் பாடு பட்டேன். கடைசியில் என் உழைப்புக்குப் பலன் கிடைத் திருக்கிறது. இன்று கிருஷி ராஜாவுக்கு உள்ளூர் சந்தை யில் நல்ல கிராக்கி ஏற்பட்டுள் ளது” என்கிறார் பிஸே பெரு மையுடன். இக்கருவியைக் கொண்டு அவ்வளவாக இறுக் கம் இல்லாத மண்ணை ஓரடி ஆழம் வரை உழமுடியும். ஜல் கான் மாவட்டத்தில் 200 விவ சாயிகள் உழவு மாடுகளை விட்டுவிட்டு, கிருஷிராஜா வுக்கு மாறிவிட்டனர் (தகவல் : தி இந்து).

மேற்கொண்டு தகவல் வேண்டுவோர் திரு கோபால் பிஸேயுடன் (9970521044) அல்லது டாக்டர் நிதின் மௌரியாவுடன் (079/26732456) தொடர்பு கொள்ளலாம்.

Courtesy: Theekkathir